戴耀明360秒人生课堂|谭俊彦暖心导赏古装街 母子同场妈妈表现逗全场爆笑

无线绿叶王戴耀明在《360秒人生课堂》分享入行三十年辛酸,之前一直透露有个遗憾「未带过阿妈参观电视城」,原来节目组一早准备好惊喜,由神秘嘉宾带小明阿妈参观电视城的古装街,节目压轴更邀请母子同台,令观众意外发现83岁的戴妈妈幽默风趣不比儿子输蚀!

阅读全文

360秒人生课堂| 谭俊彦暖心导赏、为戴耀明母子完梦

《360秒人生课堂》戴耀明演绎自己的人生高低起跌,但背后原来藏有一个又一个的感人故事﹗当中提及其83岁母亲如何爱锡自己,但遗撼在无线工作近卅年,一直因为怕麻烦而未有带阿妈参观自己工作的地方;于是节目组为他安排了一个惊喜,找来戴耀明的好友谭俊彦带戴妈妈参观电视城的古装街:

谭俊彦暖心导赏,带戴耀明母亲参观古装街,戴耀明即场示范惊喜反应。(图片来源:tvb.com) 有视帝谭俊彦帮手影相,戴妈妈笑容满脸,被问到儿子有何期望,她坦言希望可以看到儿子得奖。(图片来源:tvb.com)

暖心安排观众感惊喜:争少少见到佘诗曼

由视帝进行导赏固然令人意外又惊喜,原来谭俊彦与戴耀明之所以「兄弟相称」,是因为二人在谭初入无线拍摄《天命》时早有交情,谭俊彦仲讲到对剧本有不明白之处,都会向资深的戴耀明请教,听得戴妈妈好开心又恩慰。观众对这个惊喜安排亦感到意外,但有网民就表示如果可以由「三好」佘诗曼负责导赏,可能画面就更感人,因为早年戴耀明曾公开表示发誓娶佘诗曼为妻,痴恋的形像深入民心:

恰好早前佘诗曼接受无线娱乐新闻台访问,地点也是古装街,二人缘悭一脸。(图片来源:无线娱乐新闻台)

相关文章:360秒人生课堂|戴耀明当年誓娶佘诗曼为妻 母亲催婚望奉子成婚

谭俊彦曾在专访中说过,戴耀明是他在TVB「第一个朋友」,绝对不止同事咁简单,2016年拍《天命》期间戴耀明在谭俊彦身边做太监,二人收工时都顺路一齐返屋企,谭妈妈都认得当今视帝曾经驾车载儿子收工回家,印象深刻。(图片来源:tvb.com)

戴耀明即场示范惊喜反应

有谭俊彦做嘉宾,认真面子十足,原来二人一早就在后台收看戴耀明的演讲,说到动人之处戴妈妈都感动流泪,播放完参观片段之后,「导赏员」谭俊彦将戴妈妈带到小明身边,母子团聚任务完成,戴耀明亦公开感谢好兄弟的送暖行动,场面感人!

谭俊彦坦言视戴耀明为真心朋友,初入TVB乜都唔识,连TVB食饭地方,全靠戴耀明主动带他食饭、又介绍监制,友谊深厚。(图片来源:tvb.com) (图片来源:tvb.com)

戴妈妈风趣带动全场气氛

其后戴妈妈接受访问,被问到是否儿子所有演出都有观看,她坦言唔系全部,尤其是演歹角的时候「做衰仔𠮶阵、唔系好想睇」引发全场爆笑,戴妈妈表示见到阿仔做打劫阿婆、绑匪角色虽然唔想睇,但「扮衰嘢又真系好神似、好嘢就好笑」,更公开呼吁希望TVB可以安排正面角色给戴耀明,建议监制可以分派多点有拍拖、结婚戏份,吓得小明以为阿妈有投诉。

被问到是否希望儿子攞奖、攞视帝,戴妈妈开心回应「唔好咁强求」、「唔求佢做电影皇帝,佢咁丑样」,总之是但一个奖都可以「女配角、女主角都无问题,最紧要做好本份」,两母子在台上互相倜侃,场面既爆笑又温馨:

戴妈妈精神奕奕,与阿Bob对答风趣,幽默程度不输儿子。(图片来源:tvb.com)

《360秒人生课堂》|戴耀明为尽孝道放弃北上发展

戴耀明在《360秒人生课堂》提及与母亲的关系,入行多年除了未曾带过妈妈入电视城,更为照顾家中八十多岁的母亲放弃不少北上发展机会,由于是家中独子,父亲十多年前逝世,所以独力负起照顾母亲的责任。

戴耀明在《360秒人生课堂》提及与年迈母亲的关系。(图片来源:360秒人生课堂@TVB)

相关文章:戴耀明誓要抹走茄哩啡之名 被母催婚背后藏感人故事

360秒人生课堂 | 我系演员唔系茄喱啡 谭俊彦为戴耀明母子完梦

戴耀明19岁投身娱乐圈:一定要有副业

想当年,戴耀明19岁就投身娱乐圈,一做就做咗十几年。「读书已经好钟意做话剧,希望大个后可以投身呢行。其实入行经过都几戆居,有日,我阿妈睇电视𠮶时见到亚视请演员,咁啱当时毕业,未揾到嘢做咪试下,咁就入咗行。后来喺亚视做咗1年,发现冇咩人睇,觉得无线好似好啲,就去无线考训练班囉!」加入TVB后,戴耀明先至发现TVB新人辈出,比起亚视更难「有人睇到」。

「当时过嚟TVB冇谂过呢点,不过既然选择咗,可能系命中注定嘅呢!我唔知道乜嘢叫做运气,但可能系我唔够进取。我比较被动,人际关系比较输蚀。」身为独生子,即使对星途乐天知命,但要对家人有所承担。

93年投考无线电视第6期艺员进修班,同学包括蔡子健、伍文生和傅明宪等。(图片来源:无线电视截图) 在无线工作廿八年,非常襟捞,今年新剧《新四十二章》亦有他的身影。(图片来源:tvb.com)

家人支持 戴耀明甘心留喺TVB

「其实屋企人好支持我做呢行,又冇嫌弃我喺娱乐圈唔汤唔水,揾唔到大钱。其实人一世物一世,做到自己钟意嘅嘢,又唔系揾唔到食,OK啦!做演员都有万零2万蚊底薪,加埋爆show分佣,收入都算稳定。

「试过有年爆show揾多咗十几万,但都有试过唔爆show冇乜钱,唯有少啲出街囉!坦白讲,我呢个年纪已经好难喺出面揾份工。反而keep住做呢行,帮到我搞啲小生意,因为啲人认得我,倾起生意上嚟都易啲。做呢行一定要有副业,以前都有搞过酒吧同埋运输。除非TVB炒我,如果唔系我都唔会放弃。」甘心留喺TVB做绿叶,只可以话佢真系好钟意呢份工!

网友认为其光头形象酷似日本动漫《一拳超人》主角埼玉,故令他获得 PlayStation 及 FHProductionHK 邀请,以一拳超人造型担任电视与手机游戏代言人。(图片来源:戴耀明@facebook)

戴耀明:我系戆居

「可能系我个样生得戆居居,所以普通一句对白,由我个口讲出嚟,就变得好骑呢。其实我都觉得自己演喜剧系容易啲被接受,扮市井我冇问题,如果要我演医生、律师,似乎冇咩说服力。」

《潜行狙击》入面嘅磨碌,戏分唔算多,但系就因为个发型似阿Bert而被网民恶搞。连戴耀明都受宠若惊咁话:「点解佢哋会恶搞配角?」网民嘅喜好咁易被你估到咩!(图片来源:新传媒资料室)

对住陈法拉好易投入

戴耀明被网民恶搞嘅起源,嚟自《巾帼枭雄之义海豪情》,佢饰演日军向山少佐,同陈法拉重有幕床戏,呢场戏影像化咗唔少巴打嘅final fantasy,亦令佢做咗毒男嘅代表。「晴晴(陈法拉)献身畀我𠮶场戏,其实我冇掂过佢㗎!但系法拉真系好专业,虽然大家冇同时入镜,但系拍我嘅戏分𠮶时,法拉都照样做番成场戏畀我,照样除衫,带我入戏。」

记者问:「咁当时你个脑谂紧咩呀?」佢答:「全程投入㗎喇!对住法拉好容易投入㗎嘛!」真系闻者葡萄,见者喷血。不过《巾》剧监制李添胜当年曾经公开点名赞赏戴耀明。

「听到我好感动,佢系我伯乐,关照咗我十几年。有时我出show唔够数,添哥都会救我,佢可以讲得上系我嘅再生父母。」当年黎耀祥都系多得李添胜关照,凭住《巾帼枭雄》一铺翻身,但戴耀明就唔敢将自己同黎耀祥相提并论。

「我想像唔到自己可以担起1套剧。唔系对自己冇信心,但做咗十几年,大概都知道乜嘢人可以带得起成套剧。我自问只可以喺主角侧跟锦上添花,只要观众留意到我,我已经好满足。初入行𠮶几年,都会对人气有憧憬,依家做咗十几年,都睇化喇!」你咁讲法即系话黎耀祥唔靓仔啫!

(图片来源:新传媒资料室)

戴耀明做秋生短命都制

入行廿几年,好多人叫唔出佢嘅真名外,甚至连片尾字幕都打错佢个姓做叫「载」耀明。

「依家行出街都有人会叫我大茄㗎!初初未习惯都会有啲唔开心,但做咗十几年,情绪上冇咩事喇!我只会觉得呢啲人冇礼貌。反而最惨嘅系当年喺训练班出嚟,试过要扮牛头马面,笠住个面具拍古装,角色完全见唔到个样。又试过坐喺艺员休息室,保安以为我系临时演员,仲谂住赶我走。最辛酸嘅系,我哋做配角会同时间骑住几套剧,最多试过两个月骑4套剧。凌晨4点拍完一组戏,另外一套剧又开晨早6点。多剧拍虽然系辛苦,不过一定会爆show,一睇银行簿仔就开心番。」但系佢并唔系为咗爆show就咩角色都肯演。

「如果要我除裤露屎忽、打格仔露J𠮶啲,我一定唔会接,就算露完可以上封面我都唔制。但系如果系梁家辉嘅《情人》,𠮶啲又唔同。人一定会计数,有等价交换。我年纪唔细,如果畀5千蚊我拍两组咸戏,就梗系唔制啦!除非真系冇饭开㗎啫!我最大嘅宏愿系做到黄秋生,佢每个角色都好抢。做到佢咁样,我真系短几年命都制。」黄秋生已经系影帝级,戴耀明要学佢,首先要扫番几个奖先。不过佢似乎对《万千星辉颁奖典礼》有啲意见。

「『飞跃进步』奖其实都系颁畀主角级𠮶啲,最好有个『绿叶』奖!」讲完呢句,佢就哈哈大笑。相信,佢都知道呢个建议系妙想天开。

后记:而我不知戴耀明是谁?

入行近卅年,拍过嘅剧绝对比好多1线小生重要多,戴耀明亦不止一次接受采访,其中一个访问在多年前进行,记者带咗戴耀明落旺角影相。影影下,人群开始聚集起嚟,后来重有自 *** 主动要求逐一同佢合照。戴耀明忽然变成旅游景点,可惜喺班自 *** 入面,冇人讲得出戴耀明个名。对于一个演员嚟讲,冇知名度会唔会系最大嘅遗憾呢?

当年的访问花絮,戴耀明忽然变成旅游景点,可惜喺班自 *** 入面,冇人讲得出戴耀明个名。对于一个演员嚟讲,冇知名度会唔会系最大嘅遗憾呢?(图片来源:新传媒资料室) 大茄有样好,冇包袱做咩都得,就算被网民做万能key都有一百样可能发生。(图片来源:新传媒资料室)

常见问题

谭俊彦与戴耀明是怎样相识?

谭俊彦坦言视戴耀明为好兄弟,而当初加入TVB人生路不熟全靠对方⋯⋯详情请看

戴耀明妈妈有什么盼望?

戴耀明妈妈对是次参观电视城的安排感到贴心,亦坦言希望儿子能得偿所愿⋯⋯详情请看

添加回复:

◎欢迎参与讨论,请在这里发表您的看法、交流您的观点。